Një djalë që u rrëmbye si një fëmijë u ribashkua me familjen e tij pas 18 vjetësh – kur policia arriti ta gjente atë duke përdorur aplikacionin e plakjes së fytyrës.
Sipas mediave të huaja, përcjell Telegrafi, Yu Weifang, 21 vjeç, këtë muaj u takua me prindërit e tij për herë të parë që kur ishte fëmijë – në sajë të “FaceApp-style” të krijuar nga gjiganti teknologjik kinez Tencent.
Ngjashëm me aplikacionin e plakjes së fytyrës, policia përdori teknologjinë për të parashikuar se si do të dukej tani 21-vjeçari.
Hetuesit e rasteve të tilla në provincën Guangdong të Kinës jugore përdorën teknologjinë në fjalë së bashku me zbulimin ekzistues të njohjes së fytyrës për të gjetur personin e zhdukur.
Pas përzgjedhjes së pothuajse 100 kandidatëve të mundshëm, oficerët arritën deri tek një shkollë studentore në provincën Guangzhou të Kinës, përkatësisht tek 21-vjeçari Weifang.
Hetuesi Zheng Zhenhai tha: “Kur e gjetëm, ai refuzoi të besonte se ai ishte një fëmijë i rrëmbyer, por ADN-ja konfirmoi se ai kishte një përputhje me prindërit e tij biologjikë”.
Weifang, prindërit adoptues të të cilit quheshin Li, u zhduk në vitin 2001 pranë një vendi ndërtimi ku punonte babai i tij.
Prindërit e tij paraqitën një raport të personave të zhdukur dhe incidenti u trajtua si rast i rrëmbimit.
Prindërit e tij biologjikë Yu Xingquan dhe Rong Muhuan kërkuan në qytetet fqinje të larta dhe të ulëta, por nuk gjetën ndonjë gjurmë të djalit të tyre të zhdukur.
Ata madje ofruan një shpërblim për këdo që kishte informacion në atë kohë.
Në një fjalim prekës, babai Yu Xingquan tha në ribashkim dje: “Ne jemi gjithashtu shumë mirënjohës për prindërit e tij birësues për rritjen e tij për 18 vjet”.
Sipas mediave, policia ende po heton rastin e kidnapimit të vitit 2001, por oficerët ende nuk kanë gjetur fajtorët. /Telegrafi/
