Në Skenderaj një person është kanosur dhe rrahur nga disa të dyshuar tjerë, duke i kërkuar që t’u tregojë se ku i ka fshehur paratë gjyshja e tij.
Të dyshuarit dhe viktima së bashku një herë tjetër kishin hyrë në shtëpinë e gjyshes së viktimës për të vjedhur.
Siç raporton Policia, të dyshuarit viktimën e kanë transportuar me një automjet deri tek një pyll ku më pas të njëjtin e kanë zbritur, e kanë rrahur dhe kërcënuar, me qëllim që i njëjti t’ua tregojë vendin se ku i ka fshehur gjyshja e tij paratë, pasi që gjatë vjedhjes së parë nuk janë gjetur.
Njëri nga të dyshuarit është arrestuar dhe pas intervistimit me urdhër të prokurorit është liruar në procedurë të rregullt.