Fiona Simpson po voziste për në shtëpinë e saj në Kingaroy të Australisë, së bashku me gjyshen 78-vjeçare dhe të bijën që ka katër muaj, kur filloi një breshër i rrëmbyeshëm.
Kokrrizat gjigantë të akujve ia goditën veturën dhe thyen xhamin e prapmë, andaj 23-vjeçarja shkoi pas dhe u bë mburojë e gjallë për të bijën, transmeton Telegrafi.
“Isha shumë e frikësuar, por nuk kishte kohë për panik dhe duhej të veproja. Vajza ka qarë tërë kohën, por ishte zhurmë e madhe nuk po e dëgjoja” ka thënë Simpson.
Në momentin që stuhia ka pushuar, ajo ka vozitur me vështirësi deri në shtëpinë më të afërt dhe ka kërkuar ndihmë. Mjekët e ndihmës së shpejtë, e kanë marrë për trajtim në spital, ku është dashur të qëndrojë për një natë.
“Në fund të ditës, është me rrëndësi që jemi gjallë. Vetura zëvendësohet, plagët shërohen dhe të gjithë jemi të sigurt” ka përfunduar Simpson, duke thënë se po që se paraqitet nevoja, do ta përsëriste sërish këtë veprim.
Raportohet se gjatë asaj dite kritike, kishte pasur breshër me kokrriza alli në madhësinë e topit të ping pongut, që kanë me shpejtësi prej 200 kilometrave në orë. /Telegrafi/
