Policia e Kosovës ka njoftuar për një rast në rajonin e Gjilan, ku sot një qytetar i ndërgjegjshëm në orët e mëngjesit në nënstacionin Policor në Pozheran ka dorëzuar një çantë që e kishte gjetur.
Në njoftimin e Policisë thuhet se në çantë kishte dokumente personale dhe para të gatshme në vlerë të përgjithshme prej 7500 euro.
“Policia nëpërmjet rrugëve operative ka arritur që të identifikoj personin që i kishte humbur çantën dhe të njëjtit pas verifikimit në bazë të procedurave ligjore i është kthyer çanta me dokumentet dhe paratë”, thuhet në njoftim.
Duke çmuar këtë gjest human, të devotshëm dhe të ndershëm falënderojmë qytetarin e ndërgjegjshëm, po ashtu falënderojmë të gjithë qytetarët për bashkëpunimin dhe besimin e vazhdueshëm në Policinë e Kosovës. /Telegrafi/