Një dado është arrestuar për tentativë vrasje dhe akuza të tjera, pasi ajo ishte filmuar duke abuzuar fizikisht me një vajzë të vogël, për të cilën kujdesej.
Siç shkruajnë mediat e huaja, përcjell Telegrafi, bëhet fjalë për Nicoline Hoëses (38) e cila është arrestuar javën e kaluar dhe është paraqitur para gjykatësve.
Rasti i saj u shty për 2 tetor, dhe u urdhërua që ajo duhet të mbetet në paraburgim policor në ndërkohë.
Hoëses u arrestua pasi nëna e një vajze nëntë muajsh, e cila ishte në kujdesin e saj publikoi një regjistrim vizual i cili thuhet se tregon Hoëses duke abuzuar fizikisht me fëmijën e saj.
Nëna, Annemarie Theron, kishte vendosur një kamera në shtëpinë e saj për të regjistruar çfarë ndodhte aty, si pasojë e dyshimeve, pasi ajo kishte vërejtur lëndime të dyshimta në trupin e vajzës së saj. /Telegrafi/
