Paulo Iago është një nga talentet më të mëdhenj të Real Madridit, por duket se ai nuk është i kënaqur me minutat që ka në dispozicion.
Mediat spanjolle shkruajnë se sulmuesi i ri dëshiron të largohet nga klubi pasi është i pakënaqur dhe këtë gjë e ka konfirmuar edhe një postim i tij në rrjetet sociale.
“E dua futbollin, por i urrej gënjeshtrat dhe mashtrimet”, ka shkruar Iago.
Kjo e përkeqësoi edhe më shumë statusin e tij në klub dhe tani agjenti i tij, Jorge Mendes do të kërkojë një klub të ri për të.
Iago nuk është më një lojtar standard në ekipin e të rinjve të Realit, megjithëse ai është një lojtar kyç në ekipin spanjoll U-17.
Futbollisti i ri beson se Reali nuk e vlerëson sa duhet dhe kërkon me çdo kusht të shkojë në një klub ku ka më tepër hapësirë.
🚨 JUST IN: Paulo Iago is disappointed with Real Madrid.
He has informed his entourage to find him a project that counts on him. @relevo pic.twitter.com/O5DAsbuqLa
— Madrid Xtra (@MadridXtra) March 29, 2024
Ai konsiderohet si një nga talentet më të mëdhenj të Los Blancos në vitet e fundit dhe verën e kaluar nënshkroi kontratë deri në qershor të vitit 2025. /Telegrafi/
