Dominimi i bobit vazhdon edhe këtë vjeshtë
Pas bobit simpatik francez, i cili u përqafua me entuziazëm nga shumë vajza, sepse është praktik dhe tepër i lezetshëm, vjen një variant i ri i bobit – i ashtuquajturi bob italian.
Është një model flokësh shumë shik i përshtatshëm për flokë me tallaze, por edhe për flokë të drejtë që largon me siguri moshën.
Është perfekt për zeshkane me fytyrë ovale, por nuk u shkon më pak biondeve, transmeton Telegrafi.
Kjo prerje është ideale për vajzat që nuk duan të kalojnë shumë kohë para pasqyrës, me një tharëse flokësh dhe një furçë në duar.
Ky model flokësh duket më së miri kur është i shprishur me simpati dhe është një zgjidhje e shkëlqyer nëse flokët tuaj janë pak me tallaze.
Për të arritur një dukje më magjepsëse dhe më femërore, bobi italian bartet me balluke që janë pak më të thella se pjesa tjetër e flokëve në lartësinë e qafës.
Ky model flokësh u duket i mirë edhe pronarëve të një fytyre të zgjatur, ovale ose trekëndore, dhe floktarët theksojnë se është më mirë ta prisni atë në mënyrë që të ndjekë strukturën natyrale të flokëve.
/Telegrafi/