Sir Mick Jagger është në lidhje me një producente filmi, e cila është 22 vjeçare – bën të ditur The Sun.
Sipas tabloidit, rokeri 74 vjeçar është takuar disa herë me Noor Alfallah, gjatë kohës kur “Rolling Stones” ishin në Paris të Francës në kuadër të turneut “No Filter” në muajin e kaluar.
Frontmeni legjendar ka qenë vetëm prej se u nda nga balerina 31 vjeçare, Melanie Hamrick, e cila është nënë e një djali të tij.
“Mick akoma e ka sharmin e tij legjendar, mirëpo edhe grupi është habitur se si dikush e re dhe e bukur si Noor, kishte shkuar në Paris që të takohej me të”.
“Ata nuk janë asnjëri në lidhje dhe ia kanë kaluar shumë mirë bashkë, prandaj të tjerët nuk i kanë penguar. Mick nuk po tregon asnjë shenjë të tërheqjes.
“Ai padyshim se vazhdon të ketë buzëqeshje në fytyrë dhe shkëlqim në sy”, ka thënë një burim për The Sun.
“Noor ka shumë vetëbesim dhe është e edukuar mirë, prandaj është përshtatur për mrekulli në vendet ku kanë shkuar”, ka thënë më tej burimi.
Sipas spekulimeve, Jagger dhe e dashura e tij e re kanë qëndruar bashkë në një banesë në një paralagje të Parisit, kurse më pas ajo ka shkuar në hotelin ku qëndronte rokeri në kryeqytetin francez. /Telegrafi/
