U njohën me njëri-tjetrin që në vitin 2012, por vetëm këtë verë “zyrtarizuan” romancën e tyre dhe me përfundimin e stinës së nxehtë, edhe fundin e kësaj romance.
Brooklyn Beckham dhe aktorja amerikane Chloë Moretz nuk janë më bashkë. Mediat rozë në Shtetet e Bashkuara dhe në Britaninë e Madhe shkruajnë se djali i David dhe Victoria Beckham e la Chloë, sepse “ishte shumë e ngjitur”.
“Ankohej gjithmonë kur Brooklyn duhej të udhëtonte nga Los Anxhelesi drejt Londrës”, citohet një burim pranë familjes Beckham nga tabloidi britanik The Sun, transmeton TCH.
Zërat nuk janë konfirmuar, por as mohuar nga asnjëra palë, megjithatë një sinjal të tërthortë dhe të fortë se dy të rinjtë nuk janë më bashkë e dha vetë aktorja.
19-vjeçarja shoqërohej vetëm nga buzëqeshja e saj në tapetin e kuq në Festivalin e Filmit Deauville në Shtetet e Bashkuara.
