Një ngjarje e rëndë ka ndodhur në Durrës, ku një grua 41-vjeçare i ka dhënë fund jetës duke konsumuar fostoksinë pasi dyshohet se kishte rënë në depresion për shkak të bullizohej nga kolegët në TikTok.
Ngjarja ka ndodhur më datë 2 Janar 2024. Korrenspondentja e Klan News, Enkeleda Arapi ka mësuar se viktima Bedrie Loka, nënë e 3 fëmijëve, kishte denoncuar 1 vit më parë në Policinë e Durrësit se persona të panjohur i kishin hapur adresë false me identitetin e saj në rrjetin social TikTok dhe e përdornin për ta bullizuar.
Ajo dyshonte se adresa ishte hapur nga kolegët e saj në fasonerinë ku punonte në zonën e Fllakës.
Sipas policise, 41-vjeçarja ishte e shqetësuar për këtë situatë. Ende nuk dihet nëse shkak për vetëhelmimin ka qenë bullizimi në TikTok apo ka pasur pasur probleme të tjera.
Megjithatë, policia ka nisur hetimet dhe po merr në pyetje të gjithë personelin e fasonerisë me qëllim për të zbuluar personin apo personat që kanë hapur adresën false me emrin e të ndjerës.
Një nga profilet në TikTok ku dyshohet të jenë shpërndarë materiale denigruese ndaj viktimës, është ende aktiv.
Ndërkohë policia bën me dije se materialet në lidhje me veprën e dyshuar penale shkaktim i vetëvrasjes do t’i kalojnë Prokurorisë së Durrësit për hetime të mëtejshme. /Telegrafi/