Arma e superpërfolur e Vladimir Putinit pritet për t’u testuar para fundit të vitit. “Satan 2” apo RS-28 do të testohet në Cosmodrome Plesetsk, Rusia veri-perëndimore.
Siç shkruajnë mediat e huaja, përcjell Telegrafi, i quajturi nga NATO “Satan 2”, arma ka qenë prej kohësh e përfolur se është e aftë për të shkatërruar një zonë aq të madhe sa Franca.
Kjo armë 100 tonëshe, siç thuhet më tej, do të mbajë deri në 15 bërthama bërthamore – secila e aftë për shpejtësi hipersonike prej 4,000mph.
Dhe vetëm vitin e kaluar u publikuan pamjet e para të “Satan 2” – emri zyrtar i së cilës është RS-28 Sarmat.
Ndërkaq tani, mediat ruse njoftojnë se arma do të testohet para fundit të vitit 2017.
Gjithashtu bëhet e ditur se inxhinierët e Kremlinit thuhet se synojnë të vendosin “Satan 2” gati për luftë, para fundit të vitit 2020.
RS-28 do të zëvendësojë arsenalin aktual të Rusisë të SS-18, të quajtur “Satan”!.
Thuhet se ka një distancë arritje deri në 7,000 milje dhe mund të “mashtrojë” çdo sistem të mbrojtjes të pajisur me raketat ekzistuese.
Ngarkesat individuale të lidhura me “Satan 2” do të kenë rendiment deri në 750kt – 50 herë më të fuqishëm se bomba e hedhur në Hiroshimë.
Dhe mos harroni, kjo raketë do të ketë 15 të tilla.
Rusia pritej të testonte armë gjatë verës, por media shtetërore njoftoi se sillat e nisjes nuk ishin gati për armën.
Zhvillimi më i fundit bërthamor i Rusisë vjen kur Donald Trump dëshiron të rrisë dhjetëfishin e arsenalit amerikan, sipas raportimeve.
Por Trump ishte i shpejtë për ta mohuar këtë në Twitter, duke i etiketuar raportet si “lajme të rreme”. /Telegrafi/
