Edin Dzeko thotë se Roma është një skuadër e fortë dhe këtë duhet ta dëshmojë në ndeshjen ndaj Lyonit.
Giallorossët pësuan me rezultat 4-2 në sfidën e parë të 1/8 së finales të Ligës së Evropës, prandaj duhet të fitojnë me dy gola epërsi për t’u kualifikuar.
“Do të jetë vështirë, sepse na duhen së paku dy gola për t’u kualifikuar. Të gjithë thonë se jemi skuadër e fortë dhe unë mendoj ashtu, por duhet ta dëshmojmë nesër (e enjte)”.
“Duhet të luajmë si në gjysmën e parë (në Francë)… Duhet të jemi të fokusuar edhe atë për 90 minuta. Sezoni nuk ka mbaruar, mund të përmirësohemi dhe nesër duhet të japim pakëz më shumë”.
“Të gjithë e panë përmbysjen e Barcelonës ndaj Paris Saint-Germainit…”, ka thënë Dzeko. /Telegrafi/