Kamerat e sigurisë brenda një furgoni të policisë amerikane, kanë kapur momentin kur i dyshuari i prangosur paralizohet pasi përplas kokën në furgon, kur polici bën frenimin e vrullshëm të mjetit motorik në Connecticut.
Richard Cox, 36-vjeç, u arrestua më 19 qershor për posedim ilegal të armës së zjarrit, dhe po transportohej me furgon që nuk kishte rrip të sigurisë, dhe në një moment nga frenimi i vrullshëm ai përplas kokën në “murin” e furgonit dhe thyen qafën, transmeton Telegrafi.
Tani Cox po lufton për jetë në një spital, ku është shpallur i paralizuar nga poshtë belit dhe po përdor tuba për të marrë frymë.
Pamjet e publikuar më poshtë, shfaqin momentin kur ai qëndron i shtrirë në dysheme dhe kërkon ndihmë nga zyrtari policor që voziste mjetin. Polici Oscar Diaz më pas ndal mjetin për të kontrolluar Coxin.
“Çfarë ndodhi”, e pyet Diaz të dyshuarin i cili i thotë se nuk mund të lëvizë trupin.
Diaz menjëherë i telefonon ambulancës dhe vazhdon rrugëtimin drejt qendrës së paraburgimit.
Me të arritur atje, e asistojnë kolegët që tentuan ta nxjerrin nga furgoni Coxin që assesi nuk mund të lëvizte.
Është interesant se derisa e tërhiqnin zvarrë, e akuzonin se ka konsumuar shumë drogë dhe alkool dhe se mund të jetë si rezultat i mbidozimit.
Sikur kjo të mos mjaftonte, një zyrtar policor dëgjohet duke thënë se është mirë dhe këmbëngul që ashtu të prangosur duke e tërhequr zvarrë, ta fusin në qelinë e burgut.
Ai tani po lufton për jetë në spitalin New Haven ka bërë të ditur avokati i tij Ben Crump.
“Ai është paralizuar nga beli e poshtë dhe duhet të përdor tuba për të marrë frymë”, shtoi ai. /Telegrafi/
