Një oficer policie në Kili u arrestua nga autoritetet pasi dyshohet se e hodhi një adoleshent nga ura midis protestave të mbajtura në vend.
Sipas medieve të huaja, përcjell Telegrafi, një numër i madh i protestuesve janë mbledhur në kryeqytetin Santiago, për shkak të një referendumi i cili pritet të votohet muajin e ardhshëm.
Policia me këtë rast u përpoq të ‘shtypë’ brutalisht protestuesit, duke përdorur gaz lotsjellës dhe ujë me presion të lartë.
Thuhet se 16-vjeçari tani gjendet në gjendje stabile, me gjithë lëndime që mori të premten e kaluar.
Ndërkohë, shumë persona të tjerë po protestojnë jashtë klinikës ku po trajtohet i riu, duke e fajësuar policinë për këtë incident.
“Ai nuk kishte rënë, por e hodhën”, thonë protestuesit. /Telegrafi/
