Një shtëpi në lagjen “Dardania” është rrethuar nga Policia e Kosovës, pasi po dyshohet për një mjet shpërthyes.
Flora Ahmeti, zëdhënëse e Policisë së Kosovës për rajonin e Prishtinës konfirmoi për Telegrafin se tashmë Policia është në vendngjarje dhe po merret me rastin, por nuk tregoi se për shtëpinë e kujt bëhet fjalë.
Por, Gazeta Express shkruan se shtëpia në fjalë është e kryetarit të Komisionit qeveritar për caktimin e vijës kufitare të Kosovës me Malin e Zi, Murat Meha.
