Turqia arriti të frenojë shumicën e 270 zjarreve pyjorë që u përfshinë në jug të vendit javët e fundit.
Sidoqoftë, sipas mediave turke, përcjell Telegrafi, dy zjarre kërcënojnë ende qytete në provincën jugperëndimore të Muğla.
Ndërkohë bëhet e ditur se një tjetër zjarr që shpërtheu në rrethin Bozdogan të provincës perëndimore të Ajdinit të hënën u fik disa orë më vonë.
Sipas shifrave të fundit nga ministri i Bujqësisë dhe Pylltarisë, Bekir Pakdemirli, zjarret në pyjet në rrethet Köyceğiz dhe Milas të Muğla, shtëpia e qyteteve të njohura turistike, janë ende jashtë kontrollit.
Zjarri në Köyceğiz filloi në zonën e shkurreve para se të përhapej në një pyll të madh më 29 korrik.
Zjarrfikësit në terren u përballën me sfidën për t’iu përgjigjur zjarrit në shpatet e një lugine të pjerrët.
Kështu, avionët dhe helikopterët e ujit bënë qindra fluturime për të ndaluar përhapjen e flakëve në zonat e banuara me nëntë helikopterë ishin në zonë të martën për përpjekjet e shuarjes së zjarrit.
Ndryshe, zjarret e para të mëdhenj filluan në Manavgat në provincën Antalia, e cila është fqinje me Muğla, më 28 korrik.
Së shpejti, më shumë zjarre shpërthyen në Antalia, Muğla dhe provinca të tjera jugore, përfshirë Adana dhe Osmaniye.
Hetimet janë ende duke u zhvilluar për të përcaktuar shkakun e zjarreve, megjithëse autoritetet kishin shprehur dyshimin e tyre për përfshirjen e grupit terrorist PKK. /Telegrafi/