Ministri i Punëve të Jashtme, Enver Hoxhaj ka bërë me dije se edhe më tutje prioritet mbetet rritja e numrit të njohjeve dhe forcimi i subjektivitetit ndërkombëtar të Kosovës.
Në një intervistë dhënë për gazetën “Epoka e re”, ai ka paralajmëruar se dy vende janë në prag të njohjes së pavarësisë së Kosovës.
Hoxha ka vlerësuar se punët nuk qëndrojnë keq as me anëtarësimin e Kosovës në organizata ndërkombëtare.
Ai ka treguar se deri më tani Kosova ka arritur të bëhet pjesë e dhjetëra organizatave të ndryshme në rajon, Evropë dhe botë.
Ndërsa sa i përket dialogut me Serbinë, Hoxhaj ka thënë se ky proces duhet të vazhdojë por, sipas tij, vëmendja duhet të përqendrohet në zbatimin e marrëveshjeve të arritura.
Kurse sa i përket terrorizmit, ministri Hoxhaj ka thënë se asnjë shtet sot nuk është i sigurt përballë tij, por, sipas tij, në raport me shumë vende të tjera në botë, Kosova është më e sigurt. /Telegrafi/