Instituti Kombëtar i Shëndetësisë Publike ka bërë të ditur se brenda 24 orëve të fundit, dy persona kanë vdekur nga COVID -19.
Ndërkaq, nga 58 testime të bëra 11 persona kanë rezultuar pozitiv.
Po ashtu 14 persona janë hospitalizuar dhe se 93 raste janë aktive.
Në Kosovë që nga njoftimi për rastet e para deri me tani, nga COVID-19 kanë vdekur 3,206 persona.
Për koronavirusin e ri është raportuar për herë të parë në dhjetor të vitit 2019 në Vuhan të Kinës.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020.
Më shumë se 6.7 milionë njerëz kanë vdekur që prej shpërthimit të pandemisë në gjithë botën.
Shtetet e Bashkuara kanë regjistruar numrin më të madh të viktimave, të përcjella nga India dhe Brazili./Telegrafi/
