Dy persona kanë gjetur vdekjen dhe nëntë të tjerë janë lënduar pasi një kamionçinë është përplasur me këmbësorët në qytetin Amqui, në veri të Quebec të Kanadasë.
Drejtuesi i mjetit, një vendas 38-vjeçar është arrestuar pasi është dorëzuar në polici, shkruajnë mediat e huaja, përcjell Telegrafi.
Hetuesit janë ende duke u përpjekur për të përcaktuar nëse incidenti ishte një sulm i qëllimshëm.
Policia u thirr për incidentin e fundit rreth orës 15:00 pas raportimeve për një përplasje mes një makine dhe këmbësorëve.
Dy personat e vdekur mësohet se janë një burrë rreth të 70-tave dhe një tjetër 60-vjeçar.
Mediat kanadeze raportuan se mes të plagosurve janë edhe fëmijë që po trajtohen në spitalin lokal.
Ndërsa zëdhënësja e policisë së Quebec, Helene St Pierre tha se të gjitha indikacionet ishin se kjo ishte një ngjarje e izoluar.
“Nuk ka më rrezik në zonë dhe vetëm një i dyshuar”, u ka thënë ajo gazetarëve. /Telegrafi/