Dy persona, njëri 15 dhe tjetri 14 vjeç janë therur me thikë nga disa të dyshuar.
Ngjarja ka ndodhur rreth orës 13:00, në rrugën “Isa Kastrati” ku sipas Policisë ka ndodhur një përleshje fizike mes disa personave.
A.R, 15 vjeç dhe V.D, 14 vjeç kanë marrë plagë nga arma e ftohët (thikë) dhe të njëjtit menjëherë janë dërguar në QKUK për trajtim mjekësor .
Në kuadër të veprimeve të saj policia me një intensitet të shtuar ka kryer një varg veprimesh operative e hetimore, me fokus zbulimin e identitetit dhe vendndodhjen e të dyshuarve të mundshëm, ku si rezultat i kësaj pak çaste pas raportimit të rastit, policia ka arritur të identifikoj personat që dyshohen të jenë të përfshirë në rast dhe aktualisht hetuesit policorë, janë duke ndërmarrë të gjitha veprimet e nevojshme para se rasti të procedohet në institucionet përkatëse.