Një aksident komunikacioni ka ndodhur sot në Prizren, me ç’rast lëndime të lehta kanë pësuar vozitësit e dy automjeteve të përfshira në aksident.
Lajmin e ka konfirmuar për Telegrafin, Shaban Osmanollaj zëdhënës i Policisë së Kosovës për Rajonin e Prizrenit, i cili tha se aksidenti mes dy automjeteve ka ndodhur në orën 18:18 në Rrugën ‘Tahir Sinani’.
“Në këtë aksident, përveç dëmeve materiale, lëndime të lehta trupore kanë pësuar dy vozitësit e automjeteve të cilët pas marrjes së tretmanit mjekësor janë liruar në shtëpi”, tha Osmanollaj.
Ai tha se rasti është duke u hetuar nga njësia e trafikut rajonal në Prizren./Telegrafi/