Dy persona janë lënduar në një aksident trafiku në bulevardin “Vidoja Smillevski-Bato” në Tetovë, ndërsa është dëmtuar edhe një shtyllë elektrike.
Sipas informacioneve të SPB Tetovë, aksidenti ka ndodhur sot në mëngjes rreth orës 07:45, përcjell Telegrafi Maqedoni.
“Në aksident kanë marrë pjesë makina Ford Fiesta me targa të Tetovës, e drejtuar nga 31-vjeçari R.V nga Reçica e Vogël dhe makina Opel Astra, gjithashtu me targa të Tetovës, e drejtuar nga 58-vjeçari M.R nga Tetova. Të dy shoferët e lënduar janë dërguar në spitalin klinik të Tetovës”, tha zëdhënësi i SPB Tetovë, Marjan Josifovski.
Ai njoftoi se gjatë goditjes së makinave është dëmtuar edhe një shtyllë elektrike në këtë rrugë.
Hetimi në vendin e aksidentit ka përfunduar./Telegrafi/
