Dy persona janë lënduar rëndë gjatë një aksidenti që ndodhi mes një traktori dhe makine “Seat Ibiza” në rrugën rajonale Pehçevë-Dellçevë.
Sipas zëdhënëses së SPB Shtip, Gordana Panajtova, dy mjetet kanë lëvizur në drejtim të njëjtë, prej Pehçeve në Dellçevë, përcjell Telegrafi Maqedoni.
“Në traktorin me rimorkio i cili nuk ka qenë i regjistruar, kanë qenë katër persona, ndërsa në makinën me targa të Dellçevës, ka qenë vetëm shoferi M.D. (22). Makina ka goditur traktorin dhe fatkeqësisht janë lënduar shoferi i traktorit dhe djali i tij, të cilëve menjëherë ju është ofruar ndihma mjekësore dhe me makinën e Ndihmës së Shpejtë janë dërguar në Spitalin Klinik në Shtip”, tha Panajotova.
Organet kompetente kanë kryer hetim në vendin e ngjarjes dhe pas kompletimit të dëshmive do të vërtetohen edhe arsyet që çuan deri tek aksidenti./Telegrafi/