Një këmbësor dhe shoferi i një motoçiklete janë lënduar rëndë, ndërsa gjashtë persona kanë marrë lëndime të lehta, në shtatë prej 12 aksidenteve të trafikut në 24 orët e fundit në rajonin e SPB Shkup.
Për tejkalimin e shpejtësisë janë sanksionuar 62 shoferë. Policia e trafikut ka përjashtuar nga komunikacioni 12 persona nën ndikimin e alkoolit dhe dy të cilët kanë drejtuar automjetin para se të marrin patentë shoferin. Nga komunikacioni janë përjashtuar edhe 11 automjete të pa regjistruara.
Janë shqiptuar masa për parkim jo të rregullt 58 personave, ndërsa “karrotreci” ka larguar 51 automjete. Janë sanksionuar edhe tre këmbësorë për kalimin e rrugës në dritën e kuqe të semaforit dhe gjashtë shoferë gjithashtu për kalim gjithashtu në dritë të kuqe.
Një shoferë është dënuar për mosdhënie përparësi kalimi këmbësorëve në vendkalim të shënuar për këmbësorë dhe një për tejkalim të parregullt dhe dy shoferë për rreshtim të parregullt./Telegrafi/