Dy persona kanë pësuar lëndime në një aksident trafiku, rreth orës 7:30, në fshatin Kopiliq të Skenderajt.
Kështu bëri të ditur në një prononcim për Telegrafin, zëdhënësi i Policisë së Kosovës për rajonin e Mitrovicës, Avni Zahiti.
Sipas tij, në aksident ishin të përfshira dy vetura civile.
“Dy vetura civile janë të përfshira në këtë aksident trafiku, si pasojë e së cilës dy persona janë lënduar. Ata janë dërguar për tretman në spitalin rajonal në Mitrovicë”, ka thënë Zahiti. /Telegrafi/