Dy persona të panjohur kishin aktivizuar pajisjen shpërthyese jo larg ambasadës amerikane në kryeqytetin e Tunizit.
Mediat lokale raportojnë se sulmuesit kanë humbur jetën, kurse gjashtë tjerë janë plagosur në mesin e tyre pesë policë, transmeton Telegrafi.
“Dy terroristë kanë sulmuar patrullën e policisë në rrugë përballë ambasadës amerikane, me c ‘rast kanë humbur jetën vetë sulmuesit. Aty janë plagosur edhe pesë policë dhe një civil”, thuhet në komunikatën e ministrisë së Jashtme të këtij vendi.
Raportohet se ata kishin aktivizuar jelekët e mbushur me eksploziv derisa po vozisnin një motoçikletë, kurse cak ishte patrulla e policisë që gjendej matanë rrugës – më saktësisht përballë ambasadës amerikane.
Lidhur me këtë sulm terrorist ka reaguar edhe ministri i Punëve të Jashtme i Kosovës, Glauk Konjufca, i cili tha se Kosova dënon sulmin terrorist ndaj ambasadës së Shteteve të Bashkuara në kryeqytetin e Tunizisë. /Telegrafi/
Forte détonation/explosion au niveau du Lac 2 .. 🤔 #Tunis #Tunisie pic.twitter.com/fEwxFHyGXd
— The Godfather (@Al_Pacino_) March 6, 2020