Në Kuvendin e Maqedonisë, seancë do të mbajnë dy komisione kuvendore, ai për çështje ekonomike dhe ligjvënës-juridik.
Në komisionin për çështje ekonomike në rend dite janë Ligji për mbështetje financiare të investimeve, në lexim të dytë; ndryshimet dhe plotësimet e Ligjit për Inspektorat Shtetëror të Tregut; për zonat zhvillimore teknologjike-industriale; për themelimin e Agjencisë për energjetikë; Agjencisë për promovimin dhe mbështetjen e turizmit; për Statistikat shtetërore; për standardizim; për pronësi industriale dhe për akreditim, të gjithë këto në lexim të dytë.
Komisioni ligjvënës-juridik do të diskutoj për Ligjin për mjekësi komplementare dhe alternative, si edhe për ndryshimet dhe plotësimet e ligjeve për inspekcion sanitar dhe shëndetësor, për mbrojtje nga rrezatimi jonizues dhe siguri rrezatimi, për ilaçet dhe mjetet medicinale, të gjithë në lexim të dytë.
Ky komision do të mbajë diskutime edhe për disa ligje tjera. /Telegrafi/