Liga Premier ka pranuar se VAR ka bërë një gabim në ndeshjen ndërmjet Crystal Palace dhe Brighton & Hove Albion.
Skuadrës mysafire iu mohua një gol, pasi Pervis Estupinan u konsiderua të ishte në pozitë jashtë loje.
Megjithatë, një inspektim më i afërt i vijave të tërhequra nga VAR tregon se vija e përdorur për të treguar mbrojtësin, ishte tërhequr nga lojtari i gabuar.
Një vendim i ngjashëm është bërë edhe gjatë ndeshjes ndërmjet Arsenalit dhe Brentfordit, pasi goli i ‘Bees’ u pranua pavarësisht një pozicioni të dukshëm jashtë loje.
Organi i ndarjes së drejtësisë, PGMOL, lëshoi një deklaratë duke kërkuar falje si për Brightonin, ashtu edhe për Arsenalin për incidentet përkatëse.
“Të dy incidentet, të cilat ishin për shkak të gabimit njerëzor dhe të lidhura me analizën e situatave jashtë loje, janë duke u shqyrtuar tërësisht nga PGMOL”, thuhet mes tjerash në njoftim. /Telegrafi/
