Arsenali dhe Manchester United kanë kontaktuar të dyja për Andrea Cambiason, por Juventus e refuzoi qasjen e tyre, duke mos dashur të humbasë mbrojtësin e majtë të talentuar.
Mbrojtësi 24-vjeçar italian u ble nga Zonja e Vjetër në korrik 2022, por u la në huazim me Bologna për sezonin e ardhshëm, duke bërë më në fund debutimin e tij për Bianconerët në gusht të vitit të kaluar.
Në sezonin e tij të parë në Torino, ai u dallua shpejt në skuadrën e Massimiliano Allegrit dhe ishte startues në shumë ndeshje.
Cambiaso ishte një nga pikat më të ndritura në skuadrën e Juventusit këtë sezon, duke shënuar tre gola dhe duke dhënë gjashtë asistime në 39 ndeshje, duke u dëshmuar shpejt në nivelin më të lartë. Ai pritet të jetë pjesë e skuadrës së Italisë për Euro 2024.
Tuttosport shkruan se si Arsenali dhe Manchester United kontaktuan shoqëruesit e Cambiasos për të provuar dhe nisur bisedimet për një lëvizjeje gjatë verës, por drejtori i Juventusit, Cristiano Giuntoli shpejt i refuzoi dy skuadrat e Ligës Premier, duke mos dashur të humbasin mbrojtësin e majtë.
Zonja e Vjetër ka vendosur një takim me agjentin e tij Giovanni Bia në ditët në vijim për të diskutuar një kontratë të re, e gatshme t’i ofrojë lojtarit një rritje page që reflekton aftësitë dhe rëndësinë e tij për klubin. /Telegrafi/