Ka përfunduar java e 34-të në kampionatin elitar të Zvicrës i cili është drejt fundit.
Dy skuadrat që kanë siguruar pjesëmarrjen në Ligën e Kampionëve janë Baseli dhe Young Boysi, ndërsa në Ligën e Evropës do të shkojnë Sion, Luzern dhe Lugano.
E përditshmja zvicerane Blick ka përzgjedhur edhe formacionin më të mirë të javës së 34-të në elitën e futbollit helvetik.
Në formacionin e javës kanë zënë vend edhe dy futbollistët shqiptarë.
Reprezentuesi i Kosovës, Hekuran Kryeziu shkëlqeu me Luzernin në mesfushë në fitoren e arritur 2-3 në udhëtim tek Sion.
Ndërkohë në fazën e sulmit është vendosur sulmuesi i Kombëtares shqiptare, Armando Sadiku. /Telegrafi/
Ky është formacioni më i mirë i javës në Zvicër:
Lopar, Affolter, Wiss, Benito, Schneuwly, HEKURAN KRYEZIU, Vecsei, Rodriguez, Tafer, ARMANDO SADIKU, Aleksic.