Dy burra kanë gjetur vdekjen duke konkurruar në një ngjarje të Ironman në Republikën Irlandeze.
Sipas mediave të huaja, përcjell Telegrafi, burrat po merrnin pjesë në ngjarjen Ironman 70.3 në Youghal, në lindje të Cork, e cila ishte shtyrë nga e shtuna për shkak të stuhisë Betty.
Burrat, njëri në të 40-at dhe tjetri në të 60-at, vdiqën në segmentin e notit të garës që përfshin notin, një xhiro me biçikletë dhe një vrapim – me distanca jo të vogla.
Pamjet nga vendi i ngjarjes treguan qindra garues që përpiqeshin të kalonin valën për fillimin e notit 1.9 kilometrash.
Dy burrat vdiqën në dy incidente të ndara.
Një nga viktimat është një shtetas irlandez i cili kishte jetuar në Britaninë e Madhe, ndërsa personi i dytë mësohet të jetë kanadez.
Burrat u larguan nga uji nga shërbimet e urgjencës përpara se të shpalleshin të vdekur nga personeli mjekësor.
Autoritetet besojnë se nuk ka pasur lojë të keqe dhe po i trajton vdekjet si një incident tragjik. /Telegrafi/