Banka e Amerikës, më e madhja në vend tha sot se humbi gati 2 miliardë dollarë në tre muajt e fundit të vitit. Zyrtarët thanë se humbjet nuk përfshijnë blerjen e bankës së investimeve Merril Lynch nga Banka e Amerikës.
Merrill Lynch humbi më shumë se 15 miliardë dollarë gjatë së njëjtës periudhë.
Ndërkohë rivali tjetër bankar, Citigroup tha sot se humbi më shumë se 8 miliardë dollarë, duke pësuar kështu humbje për të pestin tremujor me rradhë dhe duke e detyruar kompaninë të ndahet në dy banka më të vogla.
Njoftimet erdhën pasi departamenti amerikan i tregëtisë ra dakort për t’i dhënë Bankës së Amerikës një tjetër ndihmë prej 20 miliardë dollarësh.
Banka e Amerikës dhe Citigroup kanë marrë deri tani 45 miliardë dollarë nga programi prej 700 miliardë dollarë i qeverisë që synon të ndihmojë institucionet financiare të vendit.