Kevin Durant, dy herë kampion dhe një nga basketbollistët më të mirë të NBA-s, gjatë ditës së martë (1 korrik) do të bëhet lojtar i lirë.
Siç shkruan ESPN, basketbollisti amerikan ka refuzuar një ofertë të skuadrës ku luan, Golden State Warriors, i cili i ka ofruar një pagë vjetore prej 31,5 milionë eurove për të vazhduar bashkpunimin.
Lojtari aktualisht është duke u shëruar pas një dëmtimi të ligamenteve të këmbës së djathtë dhe thuhet se do të humb pjesën më të madhe të sezonit.
Golden State Warriors star Kevin Durant has declined his $31.5M player option and will become an unrestricted free agent, league sources tell ESPN. Durant and his business manager Rich Kleiman are in New York, evaluating free agency options. So far, process has stayed private.
— Adrian Wojnarowski (@wojespn) June 26, 2019
Durant dhe menaxheri i tij, Rich Kleiman, siç ka mësuar rrjeti kabllor amerikan, aktualisht gjenden në New York ku po shqyrtojnë disa prej alternativave që kanë në dispozicion.
Raportohet se 32-vjeçari ka në dispozicion oferta të majme nga skuadrat e tilla, si New York Knicks, Brooklyn Nets dhe Los Angeles Clippers.
Basketbollisti është duke pritur një ofertë prej 164 milionë eurove, e cila do ta mbante edhe katër vjet si lojtar aktiv në ligën elitare amerikane.
Ndryshe, Warriros kanë kërkuar që lojtari të nënshkruaj një kontratë pesëvjeçare, e cila së bashku me bonuset do të bëjë që lojtari të fitojë 221 milionë euro. /Telegrafi/