Will Smith është shfaqur në ballinën e revistës Entertainment Weekly me kokën e rruar dhe krahas dy aktorëve të tjerë nga filmi, i cili do të lansohet në vitin e ardhshëm.
Është fjala për adaptimin filmik “Aladdin”, ku aktori i famshëm do ta luajë rolin e xhindit Genie.
Detajet e para që i kanë vënë në pah përdoruesit e Twitterit janë se Will nuk është i kaltër dhe nuk është i plotë ashtu si xhindi nga filmi vizatimor.
Guy Ritchie e ka bërë regjinë e këtij filmi, ndërsa rolin kryesor, atë të Aladdinit, e luan Mena Massoud, ndërsa princeshën Jasmine e portretizon Naomi Scott.
https://twitter.com/iKatlego/status/1075416307829481472
“Kam qenë i tmerruar që do ta luaj rolin e xhindit, pasi këtë e ka bërë i ndjeri Robin Williams. Por, e kam gjetur versionin tim dhe jam i sigurt se do t’i pëlqejë publikut”.
“Jam i sigurt se kjo është përvoja më e mirë filmike që e kam pasur në gjithë karrierën time. Dua të them, kam punuar me shumë studio filmike dhe kam qenë i kënaqur, por Disney vërtet e di se çfarë bën”.
“Kam punuar me një ekip spektakolar njerëzish, të cilët janë shoqëruar për mrekulli dhe kanë realizuar një ngjarje të jashtëzakonshme”, ka thënë Smith për filmin e ri.
Filmi “Aladdin” do të nisë shfaqjen nëpër kinema nga 24 maji i vitit të ardhshëm. /Telegrafi/