Ermal Meta duket se po shijon pushimet në Shqipëri me familjaret dhe miqtë e tij.
Mbrëmë (e martë) nga Tirana ka bërë homazh një prej këngëtarëve më të dashur për shqiptarët, Toto Cutugno, i cili u nda nga jeta në moshën 80 vjeçare.
Këngëtari i është bashkuar një bendi muzikor në një nga restorantet ku po darkonte dhe ka kënduar me ta këngën hit “L’italiano”.
“Mbrëmë në darkë me familjen dhe disa miq të mi ishim në një restorant tipik shqiptar në Tiranë. Ishte aty një bandë e vogël muzikore që luante”.
“Më kërkuan që të këndoja dhe të gjithë bashkë i bëmë homazh një prej muzikantëve më të mëdhenj italianë që u nda nga jeta dje”.
“Pushofsh në paqe Toto, të kemi dashur të gjithë shumë, në të dy anët e Adriatikut”, shkruan ai përkrah videos ku shfaqet duke kënduar. /TopChannel/
Ieri sera, con la mia famiglia e degli amici, siamo andati a mangiare in questo tipico ristorante albanese a Tirana. C’era una piccola banda della città che suonava. Mi hanno chiesto di cantare qualcosa e tutti insieme abbiamo reso omaggio ad uno dei più grandi musicisti italiani… pic.twitter.com/4DD8aNg341
— Ermal Meta (@MetaErmal) August 23, 2023