Trajneri i Dukagjinit, Severin Elezaj, e ka komentuar ndeshjen e skuadrës së tij ndaj Dritës, të cilën e fituan ‘Intelektualët’ me rezultat 2-0.
Edhe pse ekipi tij në edicionin e ardhshëm do të bëjë gara në Ligën e parë, strategu është zotuar se do ta respektojnë kampionatin.
Duke folur për SuperSport, ai ka thënë se ekipi i tij në këtë sfidë kishte hyrë pa disa futbollistë startues, duke qenë se disa prej tyre kanë qenë të pezulluar e të tjerët të lënduar.
Elezaj është shprehur i kënaqur me paraqitjen e lojtarëve të tij duke thënë se me të njëjtën lojë do të vazhdojnë deri në mbyllje të kampionatit.
Prandaj, i ka paralajmëruar kundërshtarët se të zgjedhurit e tij do të luajnë me seriozitetin më të madh. /Telegrafi/