Dukagjini është rikthyer te fitoret pasi ka mposhtur Malishevën me rezultat të thellë 4-0.
Ka qenë një ndeshje shumë e barabartë mes dy skuadrave në pjesën e parë, por mysafirët mbetën me një futbollist më pak në fushë kur Bleart Tolaj u përjashtua me karton të kuq pas një goditje që i dha kundërshtarit.
Vendasit e shfrytëzuan mirë epërsinë numerike dhe në minutën e 45-të realizuan për 1-0, ku pas asistimit nga Otto John, Zulfiu dërgoi topin në rrjetë për 1-0.
Me epërsinë minimale të vendasve përfunduan 45 minutat e para në këtë sfidë.
Vendasit vazhduan dominimin edhe në pjesën e dytë, ku Otto John në minutën e 64-të shënoi me kokë për 2-0.
Të besuarit e Armend Dallkut nuk u ndalën në asnjë moment dhe në 10 minutat e fundit të ndeshjes realizuan edhe dy gola të tjerë.
Fillimisht ishte kapiten Altin Merlaku që realizoi një gol të bukur për 3-0.
E për golin final të kësaj sfide u përkujdes Morina që realizoi tre minuta para fundit të sfidës për rezultatin përfundimtar 4-0.
Me këtë fitore Dukagjini ngritët në pozitën e shtatë në tabelë me 15 pikë, sa ka edhe Malisheva.
Xhiron e ardhshme Dukagjini luan në udhëtim te Drenica, derisa Malisheva pret Prishtinën. /Telegrafi/