Futbolli për edicionin 2020/21 në Kosovë do të përfundojë ditën e sotme me finalen e barazhit.
Do të zhvillohet një sfidë e zjarrtë mes Dukagjinit dhe Trepçës ’89 për ta shpëtuar sezonin e tyre.
Dukagjini vjen nga Liga e Parë dhe kërkon rikthimin në elitë pas një sezoni të gjatë dhe të mundimshëm.
Në anën tjetër Trepça ’89 vetëm xhiron e fundit i shpëtoi rënies direkte dhe ka mbetur në pozitën e barazhit.
Ndeshja finale e barazhit mes dy ekipeve zhvillohet në stadiumin Fadil Vokrri në kryeqytet me fillim nga ora 16:00.
Ky takim pritet të jetë shumë i luftuar nga të dyja skuadrat, pasi i gjithë sezoni është në pyetje në vetëm një lojë. /Telegrafi/