Nesër (17 shkurt) bëhen 15 vjet që nga shpallja e Pavarësisë së Kosovës.
Me këtë rast tashmë kanë nisur aktivitetet e ndryshme dhe përgatitjet për festën e veçantë të popullit të Kosovës.
Deputetja e Kuvendit të Kosovës, Duda Balje, ndërkohë ka marrë vëmendje me paraqitjen në këtë përvjetor.
Ajo ka publikuar disa fotografi në rrjetin social, Facebook, ku ka prezantuar fustanin e veçantë që lidhet me ngjyrat e flamurit të Kosovës.
“15 vjet dashuri të pastër”, ka shkruar ajo.
Urimet dhe komplimentet ndërkohë nuk munguan nga ndjekësit që ajo mban në rrjetin e popullarizuar.
Duda përndryshe shquhet për sharmin dhe elegancën që vazhdimisht përcjell si dhe komentohet në masë të madhe për dukjen e jashtme. /Telegrafi/
