Achraf Hakimi thuhet se i ka thënë ish-bashkëlojtarit të tij te Interi, Lautaro Martinez se dëshiron të kthehet në Giuseppe Meazza, por një marrëveshje me Paris Saint-Germain duket e pamundur.
Marokeni ka shkëlqyer në Katar dhe ka dërguar një mesazh për tifozët e Interit të martën mbrëma pasi mundi Spanjën me penallti, duke thirrur: ‘Forza Inter sempre’ gjatë një videoje live në Instagram.
Sipas mediumi Il Corriere Dello Sport, Hakimi ishte aq i lumtur në Inter sa do të dëshironte të kthehej në Stadio Giuseppe Meazza.
Gazeta me bazë në Romë pretendon se ai dikur i tha ish-bashkëlojtarit të tij Lautaro Martinez se dëshiron rikthimin te Nerazzurrët.
#Hakimi cova speranza di tornare all’Inter.Lo ha confessato a qualche ex-compagno,Lautaro su tutti. E lo ha ribadito ad alcuni amici in comune «Se potessi, non avrei alcun dubbio: tornerei all’Inter».Per ora è solo un sogno ma la voglia è montata dopo il caso Lukaku – #CorSport pic.twitter.com/EBz8vfLuTg
— Fcinter1908 (@fcin1908it) December 8, 2022
“Nëse do të mundja, nuk do të kisha asnjë dyshim, do të kthehesha në Inter”, thuhet t’i ketë thënë Hakimi sulmuesit argjentinas kur u ftua në Paris për të parë një ndeshje të PSG-së në Liga e Kampioneve.
Një marrëveshje me PSG-në duket e pamundur, duke pasur parasysh se Hakimi iu bashkua PSG-së në vitin 2021 për 68 milionë euro. Mënyra e vetme për të financuar kthimin e tij do të ishte shitja e Denzel Dumfries, i cili gjithashtu po bën përshtypje në Kupën e Botës.
Interi e vlerëson mbrojtësin e djathtë holandez në 60 milionë euro dhe disa klube të Ligës Premier janë të interesuara për nënshkrimin e tij.
Kontrata e Hakimit në Paris skadon në qershor të vitit 2026 dhe sipas gazetës, dëshira e tij për një periudhë të dytë në Inter u intensifikua pasi pa Romeu Lukakun të kthehet nga Chelsea.
Thuhet se ai është i lumtur në PSG, ku është bërë mik i ngushtë i Kylian Mbappe, por ai mendon se ka më shumë harmoni në zhveshtoren e Interit, që është një nga arsyet pse ai do të ishte i lumtur të kthehej. /Telegrafi/