Kryeministri në detyrë i Malit të Zi, Dritan Abazoviq, në kuadër të vizitës treditore në Kosovë, të shtunën do të qëndrojë tek Devolli Corporation.
Abazoviq bashkë me delegacionin do të pritet nga pronari i korporatës, Shkëlqim Devolli në fabrikën e Prince Caffe.
Pas vizitës, Devolli si nikoqir do të shtrojë iftar për mysafirët nga Mali i Zi, meqë vizita e tyre po zhvillohet në muajin e Ramazanit.
Abazoviq po qëndron në Kosovë, ku ka zhvilluar takime me krerët më të lartë institucionalë, partiakë si dhe klerikë fetarë.
Devolli Corporation është kompani lidere në fushën e biznesit, produktet e së cilës eksportohen në tregun evropian dhe atë amerikan.