Një koleksion i dritave misterioze dhe vezulluese janë pikasur në qiellin e një qyteti të Teksasit – duke shkaktuar një zgjim të teorive se çfarë mund të jenë ato.
Sipas medieve të huaja, përcjell Telegrafi, pamjet u shpërndanë në Reddit më 21 qershor, pasi u xhiruan në qytetin e Athinës, Teksas.
Videoja tregon një numër të madh të objekteve të bardha të ngjashme me forma sferike që fluturojnë sipër kameramanit në qiellin e natës.
Ato duket se lëvizin në një lloj formacioni dhe gjithashtu duken sikur po vezullojnë, për të parë videon klikoni këtu.
Që kur videoja u publikua, disa shikues kanë shkruar mendimet e tyre në seksionin e komenteve.
“Nuk po them që janë alienët, por janë alienët”, shkroi njëri.
Të tjerët ishin të vendosur të gjenin një shpjegim më të kësaj bote, prapa pamjes së çuditshme.
Disa sugjeruan që objektet nuk ishin gjë tjetër veçse tullumbace të bashkangjitura me drita. /Telegrafi/
