Drita është rikthyer te fitoret pas humbjes nga Prishtina.
Skuadra gjilanase i është hakmerr Ferizajt për humbjen në xhiron e parë dhe ka triumfuar në udhëtim me rezultat të pastër 0-2.
Në fakt skuadrën vendase e kanë mposhtur dy ish-futbollistë të saj, Bujar Shabani e Betim Hxhimusa që realizuan golat.
Pjesa e parë përfundoi ashtu siç filloi pa gola 0-0, ndërsa në të dytën Drita tregoi fuqinë.
Ishte minuta e 59-të, kur Bujar Shabani realizoi gol të bukur me kokë për 0-1.
Ndërkohë për 0-2 u përkujdes një ferizajli tjetër, Betim Haxhimusa që shënoi gol të bukur.
Fitorja ndaj Ferizajt i kënaq edhe më shumë Intelektualët, pasi tani janë të dytët në tabelë dhe kanë lënë mbrapa rivalin lokal Gjilani.
Drita 24 pikë sa ka edhe Gjilani, por golaverazhi flet në të mirë të skuadrës së Ardian Nuhiut.
Në ndeshjen e ardhme, Ferizaj do të luaj në udhëtim përballë skuadrës tjetër gjilanase Gjilanit.
Ndërkohë Dritën e pret një tjetër ndeshje larg shtëpisë së saj, pasi në kryeqytet luan ndaj Flamurtarit. /Telegrafi/