Drita e ka mposhtur Drenicën në kuadër të javës së 17-të në Superligën e Kosovës me rezultat 3-0.
Kampioni në fuqi e filloi mjaftë mirë takimin duke rrezikuar fillimisht me anë të Bujar Shabanit në minutën e 28-të, por goditja e tij përfundoi jashtë porte.
Nga ky presion i lartë, skuadra gjilanase ia arriti qëllimit, pasi në minutën e 45+1-të shënoi me anë të Almir Ajzerajt, që përfitoi nga një harkim i Ardian Limanit.
Pjesa e dytë ishte edhe më dinamike nga Drita, që e dyfishoi epërsinë me anë të Fidan Gërbeshit (48’), që realizoi nga penalltia.
Skuadra mysafire nuk u ndal me kaq dhe arriti të realizonte edhe një herë.
Ishte Betim Haxhimusa, ai që e vulosi fitoren e kampionit në fuqi me golin e shënuar në minutën e 90-të.
Pas javës së 17-të, Drita vazhdon të jetë lider me 39 pikë, derisa Drenica mbetet në vendin e tetë me 18 sosh. /Telegrafi/