Drita dhe Suhareka kanë publikuar tashmë formacionet zyrtare për ndeshjen e vlefshme për javën e tretë të Albi Mall Superligës së Kosovës.
Gjilanasit janë nikoqir të therandasve në ndeshjen e pazhvilluar të xhiros së tretë, pasi nuk u luajt shkaku i impenjimit të Dritës në garat evropiane. Kjo ndeshje pritet të fillojë nga ora 13:00 në stadiumin me bari artificial në Gjilan.
Ekipi i Zekirija Ramadanit vjen nga një formë te përkryer me tri fitore dhe një barazim nga katër ndeshjet e fundit, kështu që synon tri pikët e radhës për të marrë pozitën e parë.
Në anën tjetër, ekipi i Qëndrim Kidës ka dy barazimi dhe një humbje në tri ndeshjet e fundit, duke synuar t’i kthehet fitores për t’u ngjitur përsëri në tabelë.
Trajnerët e të dyja skuadrave kanë vendosur të startojnë më formacionet më të mira të mundshme.
Drita: Maloku; B.Krasniqi, Mesa, Sheji, Ovouka; Ajzeraj, Broja, Dabiqaj, Ibrahim; Manaj, Bl.Krasniqi;
Suhareka: Halimi; Nukic, Memolla, Kodra, Stijepovic; Boshnjaku, Susuri; Fetahaj, Krasniqi, Berisha; Joof;
/Telegrafi/