S’ka përmirësime në çështjen “Hajrizi” te klubi i Pejws.
“Unë qëndroj prapa fjalëve që i kam shkruar në ‘Facebook’. I kam thënë të gjitha në atë sqarim. Nga klubi nuk ka asnjë lëvizje dhe nëse vazhdon kështu nuk do të ketë ndryshim të situatës”, është shprehur Drilon Hajrizi.
Gjithçka ndodhi në çerekun e tretë të ndeshjes në Sofje.
Çereku i tretë i ndeshjes së zhvilluar në Sofje të Bullgarisë në mesjavën e kaluar ndërmjet Levski-t dhe Pejës, që i ka takuar xhiros së katërt të Grupit D në Ligën Ballkanike (BIBL), ka qenë ai në të cilin ka filluar gjithçka në çështjen “Hajrizi”.
Në fakt, në ato momente një ndër basketbollistët më të merituar për sukseset e deritashme të verdhezinjve, Drilon Hajrizi i ka shkëmbyer disa fjalë me trajnerin e tij, Branimir Paviq dhe ky i fundit nuk e ka angazhuar më në këtë takim, ndonëse Peja e ka regjistruar një fitore shumë të rëndësishme në rrugëtimin e saj drejt gjysmëfinales së BIBL-it.