Një tërmet i fuqishëm ka goditur Sarajevën mëngjesin e sotëm rreth orës 09:20.
Sipas informacioneve të para, tërmeti ka qenë me magnitudë 4.2 ballë të shkallës Rihter, shkruajnë mediat lokale, përcjell Telegrafi.
Siç bëhet e ditur më tej, epiqendra e tërmetit u regjistrua 17 kilometra në veri të Sarajevës në një thellësi prej gjashtë kilometrash.
#Earthquake (#zemljotres) possibly felt 16 sec ago in #Bosnia&Herzegovina. Felt it? Tell us via:
📱https://t.co/IbUfG7TFOL
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/HelwIjoIy7— EMSC (@LastQuake) February 19, 2024
Qytetarët e Sarajevës dhe rrethinave të saj kanë thënë se tërmeti është ndjerë fuqishëm dhe ka zgjatur për disa sekonda.
“Dridhje e shkurtër por e fortë”, “Dy goditje të shkurtra, më pak se katër sekonda”, “E shkurtër por e qartë”, “Vërtet u drodh Sarajeva”, kanë shkruar disa prej tyre në mediat sociale.
Për momentin nuk ka informacione për dëme materiale. /Telegrafi/