Interi thuhet se mund të ketë klube satelite në Portugali dhe Belgjikë, pasi kinezët e Suning Group duan të zgjerojnë veprimtarinë e tyre të futbollit.
Grupi kinez bleu Interit në vitin 2016, dhe tashmë kanë investuar shumë në lojën e skuadrës, duke sjell emra të mëdhenj gjatë afatit kalimtar veror.
Tani Gazzetta dello Sport beson se Suning po ndjekin modelin e Manchester Cityt, dhe ku kanë blerë klube satelite si si New York City FC dhe Melbourne City FC, përcjell Telegrafi.
Gazeta dello Sport beson se Suning Group është duke kërkuar blerjen e skuadrës portugeze, Gil Vicente, dhe në të vërtetë janë shumë afër një marrëveshje.
Përveç kësaj, edhe klubi belg, Mouscron, mund të blihet nga investitorët kinezë, me Peter Kenyon, i cili potencialisht mund të vjen në bord si një konsulent globale.
Këto blerje nuk do të ndikojnë drejtpërdrejt në Inter, por do të zgjerojnë rrjetin përtej Nerazzurrëve dhe Jiangsu Suning.
Në praktikë, kjo do të thotë se talentet e të rinjve nga Interi mund të dërgohet në Portugali apo Belgjikë për tu zhvilluar, ndërsa lojtarët premtues nga të dyja skuadrat mund të shkojnë në San Siro.
Këtë logjikë e ka ndjekur edhe Red Bulli, me një qasje të ngjashme me klubet e tyre Red Bull Salzburg dhe RB Leipzig, me jo më pak se pesë lojtarë kanë lëvizur nga Austria në Gjermani në dy afatet e fundit të transferimeve. /Telegrafi/