Krerët e Real Madridit besojnë se Zinedine Zidane do të largohet nga klubi në fund të këtij sezoni.
Largimi i trajnerit francez nga Santiago Bernabeu është një temë që është përhapur shumë ditëve të fundit.
Shumë mediume spanjolle dhe evropiane e kanë dhënë si punë të kryer largimit e Zidanet këtë sezon nga Real Madridi shkaku i rezultateve të dobëta.
Sipas gazetës spanjolle Marca, edhe brenda klubit ka një përshtypje që, pas çdo dite që kalon, Zidane nuk do të vazhdojë dhe do të shkojë drejt largimit në fund të sezonit.
Besohet se francezi është i lodhur dhe po përpiqet të përballet me presionin e tepërt që i është dhënë atij nga tifozët dhe bordi për të fituar gjithmonë.
Duke pasur parasysh se ai tashmë ka fituar gjithçka që ka për të fituar, disa në klub besojnë se do të vijë si befasi nëse Zidane do të largohet.
Në fakt, ai e bëri këtë si një lojtar në vitin 2006 kur vendosi të mos shikojë vitin e fundit të kontratës së tij duke deklaruar pensionimin.
Ndryshe, janë përmendur edhe emrat e mundshëm për zëvendësuesin e francezit, ku listës i prijnë Mauricio Pochettino, Antonio Conte dhe Joachim Low. /Telegrafi/