Pak para fillimit të Kupës së Botës në Katar, Cristiano Ronaldo u largua nga Manchester United, ndërsa shumë klube po flasin për mënyrën se si i është afruar ai, së fundmi edhe Eintracht Frankfurt.
Kjo ndodhi pasi ai sulmoi klubin, shokët e skuadrës dhe trajnerët në një intervistë me Piers Morgan, kështu që klubit nuk i mbeti gjë tjetër veçse të hiqte qafe dhe kështu t’i jepte fund atmosferës së tensionuar që ishte krijuar rreth tij prej muajsh.
Zyrtarisht, ndarja u njoftua si një zgjidhje e ndërsjellë e kontratës, por është plotësisht e qartë se Man United e ka iniciuar ndarjen dhe se kjo do të kishte ndodhur edhe nëse Ronaldo nuk do të kishte pranuar të largohej me marrëveshje të përbashkët.
Ronaldo ishte i gatshëm të transferohej në pothuajse çdo klub që luan në Ligën e Kampionëve, kompeticion të cilin ai dëshiron ta fitojë edhe një herë, konfirmohet nga Axel Hellmann, drejtori i Eintracht Frankfurt.
“Ronaldo na ofroi veten”, ka thënë Hellman në një intervistë për DAZN.
Fjalët e tij i ka vërtetuar edhe CEO i klubit, Philip Holzer. “Kam ndjesinë se iu ofrua të gjitha klubeve që u kualifikuan në Ligën e Kampionëve”, deklaroi ai.
🎙️ Eintracht Frankfurt CEO: "Yes, Cristiano Ronaldo was offered to us. In fact, I have a feeling he was offered to every team in the Champions League." pic.twitter.com/RRzhMGhD0Z
— Football Tweet ⚽ (@Football__Tweet) December 21, 2022
Kujtojmë se Eintracht u kualifikua në Ligën e Kampionëve duke fituar Ligën e Evropës vitin e kaluar, më pas përfundoi i dyti në grup pas Tottenhamit dhe përpara Sportingut dhe Marseilles.
Skuadra e trajnerit Oliver Glasner do të luaj ndaj Napolit në kuadër të 1/8 të Ligës së Kampionëve.
Enitracht është në pozitën e katërt në Bundesliga me 27 pikë, shtatë më pak se lideri Bayern Munich. /Telegrafi/